ہاگ ورٹس یونیورس ، معروف سلسلے وار کہانی’ ہیری پارٹر، کی دو نئی کتابیں شائع کرنے کے لیے تیار ہے ۔ یہ کتابیں جادو بھری داستان کی 20 ویں سالگرہ کی تقریب کے موقع پر شائع کی جا رہی ہیں۔ اس تقریب کا انعقاد برٹش لائبریری کے تعاون سے ہوگا۔
برطانوی اشاعتی ادارے بلوم بری نے منگل کے روز اپنے اعلان میں کہا ہے کہ اس موقع پر منعقد کی جانے والی نمائش کو ’ جادو کی تاریخ ‘کا عنوان دیا گیا ہے جس میں اکتوبر2017 اور فروری 2018 کے دوران دو نئی کتابوں کی رونمائی کی جائے گی۔
نئی کتاب’ ہیری پوٹر ۔ جادو کی تاریخ ‘کے قارئین جادوگری کے اسکول ہاگ واٹس کے نصاب کا تفصیلی جائزہ لے سکیں گے جن میں، ہیری پوٹر کا جادو اسکول، جڑی بوٹیوں کا علم، فلکیات اور طلسمی مخلوق بھی شامل ہیں۔
اس کتاب میں طلسم سے متعلق مضامين شامل ہوں گے جن میں دیو مالائی جانور یونی کان، کیمیا گری اور قبل از تاریخ کے جادو کا احاطہ کیا جائے گا۔
اس سال 26 جون کو ہیری پوٹر سلسلے کی پہلی کتاب ہیری پوٹر انیڈ دی فلاسفرز سٹون ‘کی اشاعت کو 20 سال مکمل ہو گئے ۔اس بعد اس سلسلے کی مزید چھ کتابیں شائع ہوئیں ۔
دنیا کی 29 زبانوں میں ہیری پوٹر کی 45 کروڑ کتابیں شائع ہو چکی ہیں اور ان کتابوں پر 7 ارب ڈالر مالیت کی فلمیں بن چکی ہیں۔
