رسائی کے لنکس

logo-print

ترکمنستان میں گیس پائپ لائن کی افتتاحی تقریب میں صدر احمدی نژاد شرکت کریں گے



ایرانی صدر محمود احمدی نژاد قدرتی گیس کی اس پائپ لائن کے افتتاح میں شرکت کے لیے پڑوسی ملک ترکمنستان میں ہیں جس سے ایران کو گیس کی فراہمی میں اضافہ ہوگا۔

مسٹر احمدی نژاد منگل کے روز ترکمن دارالحکومت اشک آباد پہنچے اور انہوں نے ترکمن صدر سے مذاکرات کیے ۔

دونوں راہنما بدھ کے روز اس پائپ لائن کا افتتاح کریں گے جس کے ذریعے ترکمنستان سے ایران کو گیس کی سالانہ فراہمی دوگنی سے زیادہ ہو کر 20 ارب کیوبک میٹرز تک بڑھ سکے گی ۔

30 کلومیٹر طویل اس پائپ لائن سے ترکمنستان کے اس کنویں سے گیس لائی جائے گی جو روائتی طور پر روس کو گیس کی برآمد کے لیے مخصوص تھا۔ ترکمنستان اپنی گیس کی برآمدات میں گزشتہ سال اس وقت سے اضافے کی کوشش کر رہاہے جب سے روس نے ترکمنستان سے گیس کی خریداری میں نمایاں طور پر کمی کر دی ہے۔

ترکمنستان ایرانی صدر کے وسط ایشیائی دورے کا دوسرا مرحلہ ہے ۔ پیر کے روز اور انہوں نے اپنے تاجک ہم منصب ایمومالی رحمن سے ملاقات کے لیے تاجکستان کا دورہ کیا تھا

XS
SM
MD
LG