رسائی کے لنکس

logo-print

ترکمانستان میں گیس کا دوسرا بڑا عالمی ذخیرہ


ترکمانستان میں گیس کا دوسرا بڑا عالمی ذخیرہ

ترکمانستان میں گیس کا دوسرا بڑا عالمی ذخیرہ
ترکمانستان میں گیس کا دوسرا بڑا عالمی ذخیرہ

قدرتی وسائل کا تخمینہ لگانے والی ایک بین الاقوامی کمپنی نے انکشاف کیا ہے کہ ترکمانستان کے علاقے جنوبی یولوتان میں دنیا میں قدرتی گیس کے دوسرے بڑے ذخائر موجود ہیں۔

گیفنی-کلائن اینڈ ایسوسی ایٹس کے نمائندے جم گیلٹ نے منگل کو ایک بیان میں کہا ہے کہ جنوبی یولوتان میں 212 کھرب مکعب میٹر گیس موجود ہے جو ایران اور قطر کے مشترکہ ذخیرے جنوبی فارس کے بعد دنیا میں قدرتی گیس کا دوسرا بڑا ذخیرہ ہے۔

اس انکشاف کے بعد ماہرین کا کہنا ہے کہ وسطی ایشیا کے اس ملک کے اُن دعووں کو تقویت ملے گی کہ وہ توانائی کے تمام خریداروں کی مانگ پوری کر سکتا ہے۔

اس وقت ترکمانستان چین، روس اور ایران کو قدرتی گیس فروخت کر رہا ہے لیکن اُسے امید ہے کہ وہ مغربی یورپ، افغانستان، پاکستان اور بھارت کو بھی گیس بر آمد کر سکے گا۔

اس سلسلے میں اس کی پاکستان، افغانستان اور بھارت کے ساتھ بات چیت کے کئی دور بھی ہو چکے ہیں جن کا مقصد ترکمانستان سے مجوزہ گیس پائپ لائن بچھانے اور اس کے ذریعے ان ملکوں کو گیس کی فروخت ہے۔

XS
SM
MD
LG