رسائی کے لنکس

logo-print

فلسطینیوں نے آبادکاری منجمدکرنے کی پیش کش مستردکردی


اسرائیلی وزیر اعظم بینجمن نتن یاہو

فلسطینی عہدے داروں نے پیر کواسرائیل کی اُس پیش کش کو مسترد کردیا ہےجِس میں اِس شرط پرمغربی کنارےمیں بستیوں کی تعمیر کو منجمد کرنے میں توسیع کا کہا گیا ہے اگر فلسطینی ایک یہودی ریاست کے طور پراسرائیل کو تسلیم کرلیں۔

یہ پیش کش کرتے ہوئے اسرائیل کے وزیرِ اعظم بینجمن نتن یاہو نےپیر کوپارلیمان میں تقریر میں کہا کہ منظوری دینے کے عمل سے اسرائیل کا فلسطینیوں پر اعتماد کا اعادہ ہوگا۔

تاہم فلسطینی عہدے داروں نے کہا ہے کہ اسرائیل کو ایک یہودی ریاست تسلیم کرنے کا معاملہ آبادکاری میں انجماد کے حوالے سے مرکزی اہمیت کا حامل نہیں ہے۔ فلسطینی چاہتے ہیں کہ امن مذاکرات ،جو کہ اِس ماہ کے اوائل میں اِس معاملے پر معطل ہوگئے تھے ، شروع کرنے سےپہلےاسرائیل بستیوں کی تعمیر روک دے ۔

اوباما انتظامیہ اگلے سال تک مشرقِ وسطیٰ امن معاہدہ طے پاجانے کے ہدف کوپورا کرنے کے لیے کوشاں ہے جس کے باعث اسرائیل پر تعمیر روکنے کے لیےبڑھے ہوئے بین الاقوامی دباؤ کا سامنا ہے۔

XS
SM
MD
LG