رسائی کے لنکس

logo-print

اٹلی میں ہوٹل پر برفانی تودہ گرنے سے 30 افراد لاپتا


اٹلی کے ایک پہاڑی علاقے میں زلزلے کے جھٹکوں کے بعد ایک چھوٹے ہوٹل پر برفانی تودہ گرنے سے لگ بھگ 30 افراد لاپتا ہیں اور ہلاکتوں کے خدشے کا اظہار کیا جا رہا ہے۔

اٹلی کے میڈیا کے مطابق ملک کے وسطی حصے میں زلزلے کے متعدد جھٹکے محسوس کیے گئے۔

عہدیداروں کا کہنا ہے کہ بدھ کی شب جب ہوٹل تودے کی زد میں آیا تو اُس وقت ایک اندازے کے مطابق وہاں 30 افراد موجود تھے۔

امدادی کارکنوں کے مطابق ابرتزو کے علاقے میں واقعہ ہوٹل ’’بہت سی ہلاکتیں ہوئیں‘‘۔

برفانی تودہ گرنے سے ہوٹل کی چھت کا ایک حصہ منہدم ہو گیا، حکام کے مطابق امدادی ٹیموں کو ہیلی کاپٹر کے ذریعے متاثرہ علاقے میں بجھوایا گیا۔

اٹلی کے مختلف علاقوں میں حالیہ دنوں میں شدید برفباری ہوئی اور بدھ کو ابرتزو سمیت کئی علاقوں میں زلزلے کے متعدد جھٹکے محسوس کیے گئے۔

شدید برفباری کے سبب امدادی کارکنوں کو بھی مشکلات کا سامنا ہے۔

واضح رہے کہ گزشتہ سال اگست میں اٹلی میں آنے والے زلزلے سے لگ بھگ تین سو افراد ہلاک ہو گئے تھے اور ملک کے مختلف شہروں میں عمارتوں کو شدید نقصان پہنچا۔

XS
SM
MD
LG