رسائی کے لنکس

logo-print

جاپان میں جوہری سانحے سے متعلق صورت حال انتہائی سنگین


جاپان میں جوہری سانحے سے متعلق صورت حال انتہائی سنگین

جاپان کی نیوکلیئر سیفٹی ایجنسی نے نقصان رسیدہ جوہری بجلی گھر سے متعلق خطرے کا درجہ پانچ سے بڑھا کر سات کرنے کا فیصلہ کیا ہے جو بین الاقوامی درجہ بندی کے لحاظ سے بلند ترین سطح ہے۔

منگل کو اس پیش رفت کی اطلاع دیتے ہوئے جاپانی میڈیا نے کہا کہ ’نیوکلیئر اینڈ انڈسٹریل سیفٹی ایجنسی‘ کے اس اقدام کی وجہ فوکوشیما ڈائچی پلانٹ سے تابکار مادے کے اخراج کے باعث صورت حال کا انتہائی سنگین سطح پر پہنچ جانا ہے۔

رپورٹس کے مطابق تنصیب میں منگل کو ایک بار پھر آگ بھڑک اُٹھی تاہم اس پر جلد ہی قابو پا لیا گیا۔

گیارہ مارچ کو آنے والے تباہ کن زلزلے اور اُس کے باعث سمندر میں اُٹھنے والی سونامی نے ساحلی پٹی پر واقع اس جوہری بجلی گھر کو بری طرح متاثر کیا ہے۔

جاپان کے شمال مشرقی علاقے پیر کو ایک مرتبہ پھر بعد از زلزلہ شدید جھٹکوں سے لرز اُٹھے اور ان کی وجہ سے دو افراد کے ہلاک ہونے کی بھی اطلاع ہے۔

XS
SM
MD
LG