رسائی کے لنکس

logo-print

جوہری امور پر مذاکرات کے لیے جاپانی وزیرخارجہ کا دورہ سیول


جوہری امور پر مذاکرات کے لیے جاپانی وزیرخارجہ کا دورہ سیول

جاپان کے وزیر خارجہ کوئی چیرو گمبا اپنے جنوبی کوریائی ہم منصب سے ملاقات کے لیے سیول کا دورہ کررہے ہیں جہاں وہ جوہری معاملات اور اپنے وزیراعظم یوشی ہیکو نوڈا کے ممکنہ دورہ جنوبی کوریا پر بات چیت کریں گے۔

حکام کا کہنا ہے کہ گمبا اور کم سنگ وان شمالی کوریا کے ساتھ بڑھتی ہوئی سفارتی کوششوں کے تناظر میں جوہری مذکرات کی ممکنہ بحالی کی پالیسی پر بات چیت کریں گے۔ اس سے قبل ان مذاکرات کے لیے جنوبی کوریا کے نو منتخب اعلیٰ سفارتکار لم سنگ نام جمعرات کو علی الصباح امریکہ کے دورے پر روانہ ہوگئے ہیں۔

توقع کی جارہی تھی کہ دونوں وزرائے خارجہ گزشتہ ماہ جاپان کی وزارت عظمیٰ کا قلمدان سنبھالنے والے مسٹر نوڈا کے دورہ سیول پر بھی تبادلہ خیال کریں گے۔ دو روزہ دورہ 18 اکتوبر سے متوقع ہے۔

دونوں ممالک کے مابین دیگر معاملات میں جنوبی کوریا کی طرف سے جنگ عظیم دوئم میں جاپانی فوجیوں کو جنسی خدمات پیش کرنے پر مجبور کی جانے والی عورتوں کے لیے زرتلافی کی درخواست بھی شامل ہے۔

جنوبی کوریا کی حکومت کو عدالتوں کی طرف سے اس معاملے کو اٹھانے حکم دیا گیا تھا لیکن جاپان کا اصرار ہے کہ 1965ء میں دی گئی امداد اور قرضوں کے پیکج میں یہ معاملہ بھی ہوچکا ہے۔

گمبا کے دورہ سیول کے دوران صدر لی میانگ بک سے ملاقات بھی شامل ہے۔

XS
SM
MD
LG