پاکستانی فوج کے سربراہ جنرل اشفاق پرویز کیانی نے ہفتے کے روز کابل کا دورہ کیا جہا ں انھوں نے بین الاقوامی فوج کے ہیڈکوارٹر میں آئی سیف کے کمانڈر سے ملاقات کی ۔
فوج کی طرف سے جاری کیے گئے ایک مختصر بیان میں بتایا گیا ہے کہ دونو ں فوجی رہنماؤں نے پیشہ وارانہ امور پر بات چیت کی۔ جنرل کیانی نے افغان صدر حامد کرزئی سے بھی ملاقات کی جس میں باہمی دلچسپی کے امور زیربحث آئے۔
اُدھربرطانیہ کے وزیر اعظم گورڈن براؤن ہفتے کو غیر اعلانیہ دورے پر جنوبی افغانستان پہنچے جہا ں انھوں نے برطانوی فوجوں کی طالبان عسکریت پسندوں کے خلاف کارروائیوں کا براہ راست جائزہ لیا۔