کراچی —
بھارت اور نیوزی لینڈ کے درمیان ناٹنگھم کے ٹرینٹ برج گراؤنڈ میں کھیلا جانے والا ورلڈ کپ ٹورنامنٹ کا 18 واں میچ بارش کی وجہ سے منسوخ کر دیا گیا ہے۔
دونوں ٹیموں کے درمیان میچ پاکستانی وقت کے مطابق دوپہر ڈھائی بجے شروع ہونا تھا، لیکن مسلسل بارش کے سبب میچ کو منسوخ کرنا پڑا اور دونوں ٹیموں کو ایک ایک پوائنٹ دے دیا گیا۔
ایونٹ میں اب تک دونوں ٹیمیں کوئی بھی میچ نہیں ہاریں۔ بھارت نے 2 اور نیوزی لینڈ نے 3 میچز میں کامیابی حاصل کی ہے۔
پوائنٹس ٹیبل
ایک پوائنٹ ملنے کے بعد نیوزی لینڈ کے سات پوائنٹس ہو گئے۔ وہ سرفہرست ہے جب کہ بھارت کے پانچ پوائنٹس ہو گئے اور وہ تیسرے نمبر آ گیا ہے۔
