رسائی کے لنکس

logo-print

امریکی شہری شمالی کوریا کی حراست میں


سرکاری خبررساں ایجنسی کے مطابق 24 سالہ ملر میتھیو ٹوڈ نے شمالی کوریا میں داخل ہونے کے بعد اپنا ویزہ پھاڑتے ہوئے کہا کہ وہ ملک میں "پناہ" کی تلاش میں تھا۔

شمالی کوریا نے کہا کہ اس نے ایک امریکی سیاح کو "قوانین کی خلاف ورزی" پر دس اپریل کو حراست میں لیا تھا۔

سرکاری خبررساں ایجنسی "کے سی این اے" کے مطابق 24 سالہ ملر میتھیو ٹوڈ نے شمالی
کوریا میں داخل ہونے کے بعد اپنا ویزہ پھاڑتے ہوئے کہا کہ وہ ملک میں "پناہ" کی تلاش میں تھا۔

ایجنسی کے مطابق حکام سیاح کے اس "رویے" کی تحقیقات کر رہے ہیں۔

امریکی محکمہ دفاع کا کہنا ہے کہ وہ ان اطلاعات سے باخبر ہیں اور سویڈن سے رابطے میں ہیں۔ سویڈن شمالی کوریا میں امریکیوں کے معاملات کی دیکھ بھال کرتا ہے۔

یہ خبر ایک ایسے وقت منظر عام پر آئی ہے جب صدر براک اوباما نے اپنے دورہ ایشیا کے موقع پر جنوبی کوریا کا دورہ کیا اور اس دوران انھوں نے سیول کو واشنگٹن کی حمایت کا مکمل یقین دلایا۔

امریکی صدر کا کہنا تھا کہ شمالی کوریا کی کسی بھی اشتعال انگیزی کے خلاف امریکہ، جنوبی کوریا کے شانہ بہ شانہ کھڑا ہو گا۔
XS
SM
MD
LG