رسائی کے لنکس

logo-print

شمالی کوریا کو جوہری طور پر غیر مسلح کرنے سے متعلق مذاکرات


شمالی کوریا کو جوہری طور پر غیر مسلح کرنے سے متعلق مذاکرات کے لیے امریکی سفیر نے کہا ہے کہ واشنگٹن بہت جلد چھ فریقی مذاکرات دوبارہ شروع کرنےکے لیے تیار ہے ۔

سٹیفن بوز ورتھ نے جمعرات کے روز یہ بیان سول پہنچنے کے بعد دیا جو مذاکرات جلد شروع کرنے کے مقصد سے ہونے والی شٹل سفارت کاری کےایک مختصر مرحلے میں ان کا دوسرا اسٹاپ ہے۔

بوز ورتھ بیجنگ میں اپنے چینی ہم منصب ، وو داوئی کے ساتھ بات چیت کے لیے ایک روزہ دورے کے بعد سول پہنچے۔ انہوں نے مسٹر وو کے ساتھ اپنی بات چیت کی بہت کم تفصیلات بتائیں لیکن انہوں نے کہا کہ وہ خاص طور پر شمالی کوریا کے عہدے داروں کے ساتھ چین کی حالیہ میٹنگز کے بارے میں تفصیلات سننا چاہتے تھے ۔

چینی صدر ہو جنتاؤ نے منگل کے روز بیجنگ میں شمالی کوریا کے سینیئر عہدے دار کم یونگ ال کا خیر مقدم کیا ۔

شمالی کوریا کے جوہر ی مذاکرات کار وی سونگ لاک بھی شمالی کوریا کے بارے میں اپنے چینی ہم منصب سے گفتگو کےلیے اس ہفتے بیجنگ میں تھے۔

بوز ورتھ سول سے ٹوکیو جائیں گے جہاں وہ جوہری طور پر غیر مسلح کرنے کے عمل کے لیے فضا مزید ساز گار بنانے کی کوشش کریں گے ۔

XS
SM
MD
LG