رسائی کے لنکس

logo-print

اسرائیلی وزیر اعظم کو صدر اوباما سے ملاقات کی دعوت


وائٹ ہاؤس کے ایک اعلیٰ عہدے دار نے اسرائیلی وزیر اعظم بنیامن نتن یاہو کو اگلے ہفتے امریکی صدر براک اوباما سے باقاعدہ مذاکرات کے لیے دعوت دے دی ہے ۔

مسٹر اوباما کے چیف آف اسٹاف راہم ایما نوئل نے بدھ کےروز یروشلم میں ایک ملاقات کےد وران وزیر اعظم کو یہ دعوت نامہ پہنچایا ۔

ایمانوئل نے کہا کہ یکم جون کو ہونے والے یہ مذاکرات مشترکہ سلامتی کے مفادات پر مرکوز ہوں گے۔

اسرائیلی میڈیا نے کہا ہے کہ یہ دورہ مشرقی یروشلم میں فلسطینیوں اور امریکہ کے اعتراضات کے باوجود اسرائیل کی جانب سے تعمیرات جاری رکھنے کے فیصلے کے بعد اوباما انتظامیہ کی جانب سے تعلقات کو بہتر بنانے کی ایک امکانی کوشش ہے۔

امریکہ امن کا عمل دوبارہ شروع کرنے کی کوشش میں اسرائیل اور فلسطینیوں کے درمیان بالواسطہ مذاکرات کی ثالثی کررہاہے۔

XS
SM
MD
LG