رسائی کے لنکس

logo-print

کرکٹ سیریز کے لیے پاکستانی ٹیم زمبابوے روانہ


فائل فوٹو

ٹی ٹوئنی ٹیم کی قیادت شاہد آفریدی کر رہے ہیں جن کا کہنا ہے کہ وہ زمبابوے کو ایک آسان حریف نہیں سمجھتے

پاکستان کی کرکٹ ٹیم زمبابوے کے خلاف کرکٹ سیریز کے لیے روانہ ہوگئی ہے۔

اس سیریز کا آغاز 27 ستمبر سے ہو رہا ہے جس میں دو ٹی ٹوئنٹی اور تین ایک روزہ بین الاقوامی میچز کھیلے جائیں گے۔

یہ تمام میچز ہرارے میں کھیلے جائیں گے۔

ٹی ٹوئنی ٹیم کی قیادت شاہد آفریدی کر رہے ہیں جن کا کہنا ہے کہ وہ زمبابوے کو ایک آسان حریف نہیں سمجھتے کیونکہ ٹی ٹوئنٹی طرز کی کرکٹ میں ایک مرتبہ میچ آپ کے ہاتھ سے نکل جائے تو اس کا واپس حاصل کرنا مشکل ہوتا ہے۔

اس بار ٹیم میں سینیئر کھلاڑیوں کے ساتھ نوجوان کرکٹرز کو بھی موقع دیا جا رہا ہے۔ پاکستانی اسکواڈ میں محمد حفیظ، احمد شہزاد، مختار احمد، عمر اکمل، صہیب مقصود، شعیب ملک، عامر یامین، محمد عرفان، بلال آصف، وہاب ریاض، سہیل تنویر، عماد وسیم، محمد رضوان اور عمران خان جونیئر شامل ہیں۔

ایک روزہ میچ میں پاکستانی ٹیم کی قیادت بدستور اظہر علی کے سپرد ہے۔

زمبابوے کی ٹیم نے رواں سال مئی میں پاکستان کا دورہ کیا تھا جو کہ ٹیسٹ میچ کھیلنے کا درجہ رکھنے والے کسی بھی بین الاقوامی ٹیم کا چھ سال میں پاکستان کا پہلا دورہ تھا۔

XS
SM
MD
LG