رسائی کے لنکس

logo-print

امریکی نائب صدر پینس کا صدر اشرف غنی کو ٹیلی فون


PENCE GHANI

امریکی نائب صدر مائیک پینس نے جمعے کے روز افغان صدر اشرف غنی سے ٹیلی فون پر بات کی اور افغان عوام کے خلاف حالیہ دہشت گرد حملوں پر اپنی انتظامیہ کی جانب سے اظہار تعزیت کیا۔

مائک پینس نے بات چیت کے دوران افغان سیکیورٹی فورسز کی بہادری کا اعتراف کیا۔

امریکہ کے نائب صدر نے یہ بھی کہا کہ اس قسم کے حملے محض شورش کی بربریت اور بزدلی کو اجاگر کرتے ہیں اور امریکہ کی جانب سے افغانستان اور اس کی قومی اتحاد کی حکومت کی حمایت کے عزم کو تقویت دیتے ہیں۔

وہائٹ ہاؤس میں نائب صدر کے دفتر سے جاری ہونے والے ایک بیان میں کہا گیا ہے کہ مائک پینس اور صدر غنی نے امریکہ اور افغانستان کے درمیان دیرپا تعلق اور قریبی اتحاد کی توثیق کی۔

فیس بک فورم

XS
SM
MD
LG