رسائی کے لنکس

logo-print

علاقائی سربراہی کانفرنس کی طرف سے اسرائیلی حملے کی مذمت


ترکی کے صدر عبد اللہ گل نے کہا ہے کہ اسرائیل کےسواعلاقائی سربراہ اجلاس کےباقی تمام رُکن ممالک نے گذشتہ ہفتے غزہ امداد لے جانے والے بحری جہاز پر مہلک اسرائیلی کمانڈو حملے کی مذمت کی ہے۔

مسٹر گل نے کہا کہ استنبول میں ہونے والے ایشیائی علاقائی سربراہ اجلاس میں21ممالک کےنمائندوں نےاسرائیل کی کارروائیوں کی مخالفت میں گفتگو کی۔ نو افراد، جِن میں سے آٹھ ترکی کے شہری تھے، بحیرہٴ روم میں ہونے والے واقع میں ہلاک ہوئے۔

اسرائیل ، استنبول سربراہ اجلاس میں شریک ہونے والا بائیسواں ملک تھا، جِس نے امدادی قافلے پر کی جانے والی فوجی کارروائی پر مشترکہ مذمتی قرارداد کی مخالفت کی۔ مسٹر گل نے اِس بین الاقوامی اجتماع کے میزبان کے فرائض انجام دیے۔

اسرائیلی رہنماؤں کا کہنا ہے کہ اُس کے فوجیوں نے گذشتہ ہفتے علی الصبح مہلک طاقت استعمال کی جب غزہ امداد لے جانے والے بحری جہازوں پرسوار افراد کی طرف سے اُنھیں مزاحمت کا سامنا کرنا پڑا۔ اسرائیل کا استفسار ہے کہ ہلاک ہونے والے نو میں سے پانچ افرادکے مذہبی انتہا پسند گروپوں، بشمول حماس اور القاعدہ سے رابطے تھے۔

سرگرم کارکنوں کا قافلہ اسرائیلی ناکہ بندی توڑ کر غزہ جاکر براہِ راست امداد پہنچانا چاہتا تھا، جہاں حماس کی حکمرانی ہے۔

گذشتہ ہفتے کے چھاپے کے بعدترکی اور متعدد دیگرملک انفرادی طور پر اسرائیل کی مذمت کر چکے ہیں۔

XS
SM
MD
LG