رسائی کے لنکس

logo-print

علی ظفر اور شعیب اختر کی سوشل میڈیا پر دلچسپ نوک جھونک


فائل فوٹو

پاکستانی شوبز اسٹار علی ظفر اور سابق کرکٹر شعیب اختر کے درمیان سوشل میڈیا پر ہونے والی نوک جھونک صارفین کے لیے دلچسپی کا مرکز بنی ہوئی ہے۔

دونوں دوبدو ایک دوسرے کے مقابلے پر ہیں اور دونوں جانب سے ہونے والا چیلنج دلچسپی سے خالی نہیں۔

پیار بھری نوک جھونک کا آغاز شعیب اختر کی جانب سے ہوا تھا۔ انہوں نے سماجی رابطے کی ویب سائٹ ٹوئٹر پر علی ظفر کے نام اپنے پیغام میں کہا کہ سنا ہے بڑا کرکٹر ہے تو؟

جواب میں علی ظفر نے بھی دلچسپ انداز میں شعیب اختر سے پوچھا کہ سنا ہے بڑی بالنگ کراتے ہیں آپ؟

شعیب اختر بھی کہاں چپ رہنے والے تھے۔ انہوں نے فوراً چیلنج کر دیا کہ "علی ظفر تو وقت اور جگہ بتا اور پھر میری صرف ایک بال چھو کر دکھا۔"

اس پر علی ظفر نے بھی گویا آستینیں چڑھاتے ہوئے جواب دیا کہ گراؤنڈ میں انتظار کر رہا ہوں، اور میں بھی ایک بال 172 میل فی گھنٹہ کی رفتار سے کرواؤں گا۔

شعیب اختر نے مزاحاً دھمکی بھرے انداز میں کہا کہ پریکٹس کر لے راک اسٹار، جلد ملتے ہیں۔

فیس بک فورم

XS
SM
MD
LG