رسائی کے لنکس

logo-print

خواتین اور بچوں کی صحت کا40 ارب ڈالر کا عالمی پروگرام


اقوام متحدہ کے سیکرٹری جنرل بن کی مون آج دنیا بھر میں خواتین اور بچوں کی صحت کو بہتر بنانے کے لیے 40 ارب ڈالر مالیت کے ایک بڑے منصوبے کا اعلان کرنے والے ہیں۔

صحت کے اس نئے منصوبے کا اعلان غربت کے خاتمے سے متعلق ملینیم ڈولپمنٹ کی سربراہ کانفرنس کے اختتام پر بدھ کے روز متوقع ہے

اقوام متحدہ کا کہنا ہے کہ خواتین اور بچوں کی صحت پر سرمایہ کاری سے غربت کے خاتمے اور معاشی ترقی کی رفتار تیز کرنے میں مدد ملی گی۔

اقوام متحدہ کے عہدے داروں کا کہنا ہے کہ حکومتیں اور امداد دینے غیر سرکاری تنظیموں نے اس نئی مہم کے لیے 40 ارب ڈالر فراہم کرنے کا وعدہ کیا ہے۔ لیکن بین الاقوامی امدادی تنظیم آکسفام نے اس بارے میں اپنے خدشات کا اظہار کیا ہے کہ آیا کہ عالمی اقتصادی بحران سے مقابلے کے لیے اپنے بجٹ میں کٹوتیاں کرنے والی حکومتیں اس پروگرام کے لیےفنڈز فراہم کربھی سکیں گی۔

نیویارک میں غربت کے خاتمے سے متعلق ملینیم ڈولپمنٹ پروگرام پرہونے والی اس سہ روزہ کانفرنس میں 140 ممالک سے تعلق رکھنے والے راہنما اور سفارت کار شریک ہیں۔

توقع ہے کہ صدر براک اوباما بدھ کے روز اس کانفرنس سے خطاب کریں گے۔

یہ کانفرنس اقوام متحدہ کی جنرل اسمبلی کے سالانہ اجلاس سے پہلے ہورہی ہے جس کا آغاز جمعرات کو ہوگا۔

XS
SM
MD
LG