رسائی کے لنکس

logo-print

انٹرنیٹ پر القاعدہ کے پراپیگنڈہ کے خلاف امریکی مہم


امریکہ کے محکمہ خارجہ نے کہا ہے کہ اس نے انٹرنیٹ پر القاعدہ کے پراپیگنڈے کامقابلہ کرنے کے لیے یمنی قبائل کی ویب سائٹس پر القاعدہ کے اشہتارات کی جگہ دوسرا مواد ڈال دیا ہے تاکہ ان کے پیغام کو غیر مؤثر بنایا جاسکے۔

امریکی وزیر خارجہ ہلری کلنٹن نے کہاہے کہ امریکہ کے ڈیجیٹل ماہرین ویب سائٹس پر القاعدہ کے اشتہارات کی جگہ دوسرا مواد ڈال رہے ہیں جن میں یمنی عوام پر القاعدہ کے حملوں کے اثرات کو نمایاں کیا جارہاہے۔

ہلری کلنٹن نے بدھ کی شام ایک عشائیے کے موقع پر اپنے بیان میں کہا کہ انتہاپسندوں کے پراپیگنڈے کے توڑ کی کوششوں کے اثرات ظاہر ہونا شروع ہوگئے ہیں اور وہ پریشانی کے عالم میں اپنے حامیوں سے یہ کہہ رہے ہیں اگر وہ انٹرنیٹ پر کچھ ایسا کچھ دیکھیں تو اس پر اعتبار نہ کریں۔

القاعدہ کی جانب سے یمنی قبائل کی ویب سائٹس پر دیے جانے والے اشتہارات کا مقصد نئے ارکان کی بھرتی ہوتا ہے۔

امریکی محکمہ خارجہ کے سینیٹر فار سٹرٹیجک کاؤنٹر ٹیرارزم کمیونیکشنز کی اس نئی مہم کا مقصد انٹرنیٹ او رسوشل میڈیا پر القاعدہ کے پراپیگنڈا کو بے اثر کرنا ہے۔

XS
SM
MD
LG