کشمیر سے متعلق بات کرنے سے انکار پر پاکستانی اداکارہ مہوش حیات کو شدید تنقید کا سامنا ہے۔ سوشل میڈیا پر صارفین مہوش حیات پر غم و غصے کا اظہار کرتے ہوئے ان سے تمغہ امتیاز واپس لینے کا مطالبہ کر رہے ہیں۔
چند روز قبل کراچی میں ایک تقریب کے دوران ایک صحافی نے مہوش حیات سے کشمیر میں بچوں کو درپیش مشکلات سے متعلق سوال پوچھا جس پر مہوش حیات نے جواب دیا کہ انہیں کشمیر پر بات کرنے سے منع کیا گیا ہے۔
مہوش حیات کے اس اقدام پر سوشل میڈیا صارفین نے اپنے اپنے انداز میں انہیں کھری کھری سنائیں۔ ٹوئٹر پر 'مہوش حیات سے سول ایوارڈز واپس لو' ٹرینڈ کرنے لگا۔
ایک ٹوئٹر صارف نے مہوش کو مخاطب کرکے کہا کہ اگر کشمیرکی حمایت میں بول نہیں سکتیں تو تمغہ امتیاز واپس کر دیں۔
جہاں مہوش حیات پرتنقید کی برسات ہوئی وہیں بہت سے لوگ ان کی حمایت میں میدان میں آ گئے۔ صحافی مہر تاررڑ نے ٹوئٹ میں کہا کہ مہوش حیات کو تنہا چھوڑ دو۔ ویڈیو کے ٹکڑے لے کر اپنی مرضی کے معنی دینا غلط ہے۔
It’s a dream of every Pakistani Artist to work in Bollywood but recently Mehwish Hayat proved by criticising Indian Policies that she loves her Country more than her Career... We all know she has always been vocal about Kashmir and Indian policies 👍 https://t.co/QsXlVsxerp
— Iqrar ul Hassan Syed (@iqrarulhassan) September 29, 2019
اینکر اقرار الحسن نے ٹوئٹ میں مہوش کی حمایت کرتے ہوئے کہا کہ بھارتی فلموں میں کام کرنا ہر پاکستانی آرٹسٹ کا خواب ہوتا ہے۔ مہوش حیات نے بھارتی پالیسیوں پرتنقید کرکے ثابت کردیا کہ وہ اپنے کیرئیر سے زیادہ اپنے ملک سے محبت کرتی ہیں۔
The way you articulated the human rights violation in Kashmir and passionately promoted pakistan and the way it was reported in the international media, makes me a proud Pakistani. As Colleagues we are behind you. You don’t have to give clarifications for any leaked video https://t.co/gljW5ZDqJn
— Shehzad Roy (@ShehzadRoy) September 29, 2019
شہزاد رائے کا کہنا تھا کہ ہم مہوش حیات کے ساتھ کھڑے ہیں۔ جس طرح مہوش کشمیر میں انسانی حقوق کی خلاف ورزیاں اور پاکستان کا مثبت تشخص اجاگر کرتی رہی ہیں اس پر مجھے فخر ہے۔
Bringing home the medal 🎖wearing it on my heart with pride. Karachi here we come..!!! ❤️✌🏻#MehwishHayat #enroute #Ibleedgreen #Medalcomeshome #Tamghaeimtiaz #Medalofexcellence #PakistanZindabad 🇵🇰 pic.twitter.com/vrdjGv87XQ
— Mehwish Hayat TI (@MehwishHayat) March 25, 2019
مہوش حیات نے بھی اپنے اوپر ہونے والی تنقید کا ٹوئٹر پر وضاحت کے ساتھ دیا۔ ان کا کہنا تھا کہ لیک ویڈیو کو سیاق وسباق سے ہٹ کر پیش کیا گیا۔ یہ ایک چیرٹی تقریب تھی جس کی منتظم نے مجھ سے سیاست پربات نہ کرنے کی درخواست کی تھی۔ یہ یتیم بچوں کی فلاح و بہبود کے حوالے سے تقریب تھی اور ہماری کوشش تھی کہ ساری توجہ اسی تقریب پر رہے۔
ان کا مزید کہنا ہے کہ میں نے ہمیشہ کشمیرپر آواز اٹھائی ہے اور ایسا کرتی رہوں گی۔