پاکستانی گلوکار طاہر شاہ کو شاید بہت سے لوگ نہ جانتے ہوں۔ لیکن جب بھی ان کا کوئی نیا گانا آتا ہے تو سوشل میڈیا پر مزاحیہ میمز اور جملوں کے تبادلوں کا طوفان کھڑا ہو جاتا ہے۔
'آئی ٹو آئی' گانے سے شہرت پانے والے طاہر شاہ کی وجۂ شہرت ان کی منفرد گائیکی ہے۔ جب بھی طاہر شاہ کا کوئی نیا گانا ریلیز ہو تو وہ سوشل میڈیا پر موضوع بحث ضرور بنتے ہیں۔
گزشتہ روز طاہر شاہ نے اپنا ایک اور نیا گانا 'فرشتہ' ریلیز کیا ہے۔ گانا ریلیز ہونے کے کچھ دیر بعد ہی ٹوئٹر پر طاہر شاہ کا نام ٹاپ ٹرینڈز میں آ گیا اور پھر اس گانے پر تبصروں اور ٹوئٹس کا سلسلہ شروع ہو گیا۔
طاہر شاہ کے گانے پر ٹوئٹر صارفین دلچسپ تبصرے کر رہے ہیں۔ کوئی اسے کرونا وائرس کی صورتِ حال سے جوڑ رہا ہے تو کوئی مزاحیہ میمز بنا کر شیئر کر رہا ہے۔ کچھ صارفین کے دلچسپ تبصرے ہم آپ کو دکھاتے ہیں۔
#TaherShah "FARISHTA" SONG BY TAHER SHAHCHILDREN ARE THE ANGELS OF THE EARTHhttps://t.co/WXDEvyJbgw pic.twitter.com/0N7B2BBddW
— TAHER SHAH (@TaherShahh) April 10, 2020
ایک ٹوئٹر صارف نے کسی شخص کا تبصرہ شیئر کیا جس میں کہا گیا تھا کہ کرونا وائرس کے وہ مریض جو طاہر شاہ کا گانا ہیڈ فونز لگا کر سنیں گے وہ صحت یاب ہوجائیں گے۔ کیوں کہ یہ گانا کرونا وائرس کو مار دے گا۔
Even political figures are trolling #TaherShah pic.twitter.com/7up3IXfbLm
— Ark... (@HmPakistaniH) April 11, 2020
طیب سہیل نامی ایک صارف نے اس گانے کو لاک ڈاؤن کی صورت حال سے جوڑتے ہوئے لکھا کہ حکومت کو چاہیے کہ یہ گانا گلیوں میں چلائے تاکہ لوگ اپنے گھروں سے باہر نہ نکلیں۔
Government needs to play this song on streets...so people can stay in homes..😂😂#TaherShah #farishta #tahirshah pic.twitter.com/DNj9s68D3O
— Tayyab Sohail (@TAYYAB2199) April 10, 2020
ایک اور صارف نے گانے پر یوں تبصرہ کیا کہ "کیا سال 2020 اس سے بھی زیادہ برا ہو سکتا ہے؟"
Could 2020 get any more worse?!#TaherShah
— StayHomeStaySafe 🏡 (@HammadMadd) April 11, 2020
ایک ٹوئٹر صارف نے مشہور میم شیئر کی جو ایک کرکٹ میچ کے دوران وائرل ہوئی تھی۔ ساتھ میں انہوں نے لکھا کہ کرونا وائرس طاہر شاہر کا گانا سننے کے بعد کچھ ایسا ہو گیا ہے۔
After watching #TaherShah coronovirus like pic.twitter.com/7sPAMMBI4A
— Sakht Launda (@JimmyBaloch3) April 10, 2020
کچھ لوگ طاہر شاہ سے شکوہ کرتے بھی دکھائی دیے۔ ان کا کہنا تھا کہ طاہر شاہ نے اپنے پرانے گانے 'اینجل' کا اردو میں ترجمہ کر دیا ہے۔
صحافی اور نیوز اینکر اِرزا خان نے تبصرہ کیا کہ ہم کسی نئے گانے کی توقع کر رہے تھے اور انہوں نے اینجل کا اردو ترجمہ کر دیا۔ انہوں نے طاہر شاہ سے سوال کیا کہ آپ نے اپنے فینز کے جذبات کے ساتھ کیوں کھیلا؟
What is this ??? We were expecting a new track Aur ye angel song ka Urdu translation de kr kata dia humay Q khela fans k jazbaat k sath ?
— Irza Khan (@irzakhaan) April 10, 2020
صابر نامی ایک شخص نے لکھا کہ اے راگ اور موسیقی کے عظیم شہنشاہ، آپ کا نیا گانا سن کر میں تین گھنٹے بے ہوش پڑا رہا۔
اے راگ اور موسیقی کے عظیم شہنشاہ 3 گھنٹے بعد کمنٹ کرنے کی معذرت آپکا نیا گانا سن کر 3 گھنٹے بے ہوش پڑا رہا
— Sabir (@Sabir_IFB) April 10, 2020