رسائی کے لنکس

logo-print

کشمیر کے معاملے پر سلامتی کونسل کا اجلاس جمعے کو طلب


فائل فوٹو

بھارت کے زیر انتظام کشمیر کی صورت حال پر مشاورت کے لیے اقوام متحدہ کی سکیورٹی کونسل کا خصوصی اجلاس چین کی درخواست پر جمعے کو طلب کر لیا گیا ہے۔

اگست میں سکیورٹی کونسل کی صدارت پولینڈ کے پاس ہے۔ پولینڈ کی سفیر جوانا ورونیکا نے ’وائس آف امریکہ‘ سے گفتگو میں اجلاس طلب کرنے کی تصدیق کی۔

پولینڈ کی سفیر جوانا ورونیکا نے بتایا ہے کہ سکیورٹی کونسل کا بند کمرہ اجلاس بیجنگ کی درخواست پر ہو رہا ہے۔

واضح رہے کہ سکیورٹی کونسل جمعرات کے روز کام نہیں کرے گی، اس لیے یہ 'مشاورتی میٹنگ' جمعے کو ہوگی۔

اطلاعات کے مطابق عالمی ادارے کی سکیورٹی کونسل کی میٹنگ کے لیے پاکستان نے بدھ کے روز درخواست دی تھی۔

ذرائع کا کہنا ہے کہ سکیورٹی کونسل 50 سال کے وقفے کے بعد کشمیر کے معاملے کو زیر غور لائے گی۔

فیس بک فورم

XS
SM
MD
LG