رسائی کے لنکس

logo-print

سیلابوں سے پاکستان کو ساڑھے نو ارب ڈالر کا نقصان پہنچا


سیلابوں سے پاکستان کو ساڑھے نو ارب ڈالر کا نقصان پہنچا

پاکستانی عہدے داروں نے کہا ہے کہ عالمی بینک اور ایشیائی ترقیاتی بینک کے جائزوں کے مطابق ملک میں تباہ کن سیلابوں سے پہنچنے والے نقصان کا تخمینہ ساڑھے نو ارب ڈالر ہے۔

اس تخمینے میں اس سال مون سون بارشوں کے بعد آنے والے سیلابوں میں جائیدادوں، فصلوں اور بنیادی ڈھانچے کے بہہ جانے سے ہونے والے نقصانات شامل ہیں۔

وزارت مالیات کے عہدے داروں نے بدھ کے روز کہا ہے سیلابوں سے قومی انفراسٹرکچر کو پہنچے والے نقصان کی تعمیر نو اور متاثرہ افراد کی بحالی پر مزید 30 ارب ڈالر لگیں گے۔

پاکستان کے رقبے کا پانچواں حصہ ان سیلابوں کی زد میں آیا، 1700 افراد ہلاک ہوئے اور متاثرین کی تعداد دو کروڑ سے زیادہ ہے۔

توقع ہے کہ عالمی بینک اور ایشیائی ترقیاتی بینک کے تخمینے ، جمعرات کے روز برسلز میں فرینڈز آف ڈیموکریٹک پاکستان کے اجلاس میں پیش کیے جائیں گے۔

اقوام متحدہ پاکستان میں سیلاب سے نمٹنے کی ہنگامی کوششوں میں مدد کے لیے دو ارب ڈالر سے زیادہ کی اپیل کر چکی ہے۔



XS
SM
MD
LG