رسائی کے لنکس

logo-print

بغداد میں امریکی فوج کا ہیڈ کوارٹرز عراق کے حوالے


بغداد میں امریکی فوج کا ہیڈ کوارٹرز عراق کے حوالے

عراق میں امریکی فوج کے ایک مرکز کو، جیسے فوجی ہیڈکوارٹرز کے طورپر استعمال کیا جارہاتھا، عراقی فوج کے کنٹرول میں دے دیا گیا ہے۔

امریکی فوج کے ایک ترجمان نے کہاہے کہ امریکی عہدے داروں نے دونوں ملکوں کی جانب سے ضروری کاغذات پر دستخطوں کے بعد جمعے کے روز کیمپ وکٹری کا کنٹرول عراق کے حوالے کردیا۔

رپورٹ کے مطابق اس موقع پر کوئی باضاطہ تقریب منعقد نہیں کی گئی۔

عراق میں باقی رہ جانے والے تقریباً 13 ہزار فوجی اس ماہ کے آخر تک ملک سے چلے جائیں گے۔ اس انخلاء کے بعد 2003ء میں سابق ڈکٹیٹر صدام حسین کے اقتدار کے خاتمے کے لیے امریکی قیادت میں حملے کے بعد اس ملک میں امریکی فوجی موجودگی ختم ہوجائے گی۔

بغداد کے مضافات میں واقع فوجی چھاونی کیمپ وکٹری تقریباً نو سال سے امریکی فوجی ہیڈکوارٹرز کے طورپر زیر استعمال رہی ہے۔

ایک زمانے میں اس چھاونی میں 40 ہزار سے زیادہ لڑاکا فوجی اور متعلقہ اہل کار موجود رہ چکے ہیں۔

یہ اہم فوجی چھاونی سابق صدر صدام حسین کے پرتعیش محلات اور اس کے گرد تعمیر کی گئی تھی۔

XS
SM
MD
LG