رسائی کے لنکس

logo-print

وکی لیکس کو آن لائن ادائیگوں کی سروس منقطع


کیلی فورنیا میں واقع پے پال کا صدر دفتر

وکی لیکس کے ساتھ اپنے رابطے منقطع کرنے والی کمپنیوں میں پے پال تازہ ترین ہے جوانٹر نیٹ کے ذریعے سرمائے کی ادائیگیوں کی خدمات فراہم کرتی ہے

لین دین میں ادائیگیوں کی سہولت فراہم کرنے والی امریکی کمپنی پے پال نے کہا ہے کہ اس نےوکی لیکس ویب سائٹ کے لیے اپنی خدمات مستقل بنیادوں پر بند کردی ہیں کیونکہ اس نے کمپنی کی پالیسی کی خلاف ورزی کی ہے۔

پے پال کا کہناہے کہ کمپنی کی پالیسی اپنی خدمات کے کسی ایسے استعمال سے منع کرتی ہے جس سے غیر قانونی سرگرمیوں میں حصہ لینے کی حوصلہ افزائی ہوتی ہو۔

پے پال ان کئی کمپنیوں میں سے ایک ہے جن کے ذریعے وکی لیکس کو اپنی سرگرمیوں کے لیے رقوم مہیا ہوتی تھیں۔

وکی لیکس کے ساتھ اپنے رابطے منقطع کرنے والی کمپنیوں میں پے پال تازہ ترین ہے جوانٹر نیٹ کے ذریعے سرمائے کی ادائیگیوں کی خدمات فراہم کرتی ہے۔وکی لیکس کو ان دنوں خفیہ معلومات چرانے اور انہیں مشتہر کرنے پر تنقید کا سامنا کرنا پڑ رہاہے۔

امریکہ میں قائم دو ویب سائٹ کمپنیوں EveryDNS.net اور Amazon.com نے پچھلے ہفتے وکی لیکس کو اپنی فہرست سے خارج کردیاتھا۔

وکی لیکس کو اب دو یورپی کمپنیاں ویب سائٹ کی سہولت فراہم کررہی ہیں لیکن ان دونوں کمپنیوں پر سیاسی دباؤ میں مسلسل اضافہ ہورہاہے۔

فرانس کے وزیر صنعت ایرک بسون نے جمعے کے روز کہا تھا کہ فرانسیسی کمپنیوں کے لیے یہ قابل قبول نہیں ہوگا کہ وہ وکی لیکس کو ویب سائٹ کی سہولت فراہم کریں۔

XS
SM
MD
LG