وزارت انسانی حقوق نے خواتین کو وراثت میں حقوق دینے کے حوالےسے آگاہی مہم کا آغاز کردیا ہے۔
اس مہم کا مقصد عوام کو خواتین کے حقوق کے بارے میں باشعور کرنا ہے تاکہ وہ خواتین کو وراثت میں ان کا جائز حق دینے کے بارے میں قوانین سے آگاہ ہو سکیں۔
Ministry of Human Rights launched an awareness campaign to educate people about rights of women to inheritance.Federal Minister for Human Rights, Dr Shireen Mazari said Islam & Constitution of Pakistan guarantee women%27s inheritance rights & offer clear guidance in this regard. pic.twitter.com/iDu62m5bPz
— Govt of Pakistan (@pid_gov) September 15, 2018
انسانی حقوق کی وفاقی وزیر ڈاکٹر شیریں مزاری کا کہنا ہے کہ اسلام اور پاکستان کا آئین خواتین کو وراثت کے حقوق کی ضمانت دیتا ہے ۔
ادھر چیئرمین اسلامی نظریاتی کونسل ڈاکٹرقبلہ ایاز نے اس حوالے سے ایک ویڈیو پیغام بھی جاری کیا ہے جس میں کہا گیا ہے کہ خاندانی اور معاشرتی دباؤ میں آ کر عورتوں کا وراثت میں جائز حق نہ دینا اسلامی تعلیمات اور آئین، دونوں کے منافی ہے۔
An awareness campaign has been launched by Ministry of Human Rights to educate people about rights of women to inheritance.A helpline 1099 has also been launched by Human Rights Ministry to provide free legal advice in this regard. #WomenInheritance #WomenRights@mohrpakistan pic.twitter.com/IIXyBwYZri
— Govt of Pakistan (@pid_gov) September 15, 2018
ڈاکٹر قبلہ ایاز کے مطابق پاکستان کے 1973کے آئین کے آرٹیکلز 23اور 24میں تمام پاکستانی خواتین کو وراثت میں حقوق دینے سے متعلق تفصیلات درج ہیں تاہم معاشرتی طور پر لوگ اپنے تئیں کسی نہ کسی عذر کے سبب یا کوئی بہانہ بناکر خواتین کو ان حقوق سے محروم کردیا جاتا ہے۔ حتیٰ کہ پاکستانی خواتین کی اکثریت ان قوانین اور حقوق سے آگاہ نہیں۔ اس مہم کے شروع کرنے کا مقصد خواتین کو ان کے حقوق سے مکمل آگاہی دینا ہے۔
انسانی حقوق کی وزارت نے خواتین کو مفت قانونی امداد فراہم کرنے کے لئے ایک ہیلپ لائن 1099 بھی شروع کی ہے۔اس ہیلپ لائن کے ذریعے کوئی بھی خاتون اپنے حق کے لئے آواز اٹھاسکتی ہے یا اپنی شکایت نوٹس میں لاسکتی ہے۔