آئی سی سی ورلڈ کپ میں پاکستان نے سنسی خیز مقابلے کے بعد افغانستان کو تین وکٹوں سے شکست دیدی لیکن اس میچ میں دلچسپ مقابلے کے ساتھ شائقین کرکٹ کی ہنگامہ آرائی بھی موضوع بحث بنی رہی۔
سوشل میڈیا پر شیئر کی گئی ویڈیو کے مطابق دونوں ممالک کے شائقین کے مابین گراؤنڈ کے اندر اور باہر لڑائی، ہاتھا پائی اور تلخ کلامی کے واقعات سامنے آئے۔
لیڈز میں میچ شروع ہونے سے قبل گراؤنڈ کے باہر پاکستان اور افغانستان کے کرکٹ شائقین کے درمیان لڑائی جھگڑے کو روکنے کے لیے سیکورٹی اہل کار سرگرم تھے۔
میچ کے دوران بھی گراؤنڈ میں موجود تماشائی ایک دوسرے پر مکے برساتے دکھائی دیے جبکہ جملے بازی کا سلسلہ بھی جاری رہا، بعض شائقین ایک دوسرے پر پانی کی بوتلیں اور دیگر اشیا بھی پھینکتے رہے۔
ہنگامہ آرائی میں ملوث متعدد شائقین کو سیکورٹی اہل کاروں نے گراؤنڈ سے باہر بھی نکال دیا تھا۔
Afghan fans clash with security officials and Pakistani Fans.Also harass Pakistani media personnel.@cricketworldcup @TheRealPCB @ACBofficials pic.twitter.com/ayUvFWqBy0
— Anas Saeed (@anussaeed1) June 29, 2019
میچ کے اختتام پر بھی متعدد شائقین حفاظتی حصار توڑتے ہوئے گراؤنڈ میں داخل ہو گئے اور کھلاڑیوں کی طرف بھاگنے لگے۔
آئی سی سی کے ترجمان نے پاکستان اور افغانستان کے میچ کے دوران بدنظمی اور لڑائی جھگڑوں کے واقعات کی تصدیق کرتے ہوئے کہا ہے کہ وہ آئندہ ایسے واقعات کے تدارک کے لیے گراؤنڈ سیکورٹی اور مقامی پولیس کے ساتھ مل کر کام کریں گے۔
پاکستان اور افغانستان کے مابین کشیدہ تعلقات کی جھلک اس کرکٹ میچ میں بھی دکھائی دی۔ کرکٹ ماہرین اس میچ کو شائقین کے ردعمل کے حوالے سے برے میچوں میں سے ایک قرار دے رہے ہیں۔
پاکستان اور افغانستان کے درمیان اس میچ سے قبل تین ایک روزہ میچ کھیلے جا چکے ہیں جس میں پاکستان کامیاب رہا ہے۔
Beautiful couple spread Love brotherhood among the the two Muslim Nations rather than hatred.#INDvENG#indiavsEngland#NamakHaramAfghani#AfghanJalebi#PTMdeceivingPashtunspic.twitter.com/CFvZWbSq4a
— Ayesha Malik (@AyeshaM18305281) June 30, 2019
افغانستان میں گزشتہ سالوں میں کرکٹ کو کافی فروغ ملا ہے اور اب افغان عوام میں بھی یہ کھیل مقبول ہو رہا ہے۔
جہاں بعض شائقین نے اس میچ میں بدنظمی پیدا کرنے کی کوشش کی وہیں کچھ نے دونوں ممالک کے درمیان عزت و احترام اور محبت کا پیغام دیتے بھی دکھائی دیے۔
بعض حلقوں کا کہنا ہے کہ کھیل اور سیاست کو الگ رکھنا چاہیے اور کھیل کو تفریح کے طور پر ہی دیکھنا چاہئے۔
میچ کے دوران سٹیڈیم میں تناؤ کی سی صورتحال تھی ایسے میں اسٹیڈیم میں موجود ایک شخص نے ٹوئٹر کے ذریعے اپنے اہلخانہ کو اپنے محفوظ ہونے کا پیغام دیا۔
صارف سید سرمد نے لکھا کہ ’میں افغانستان اور پاکستان کے درمیان ہونے والی ہنگامہ آرائی میں محفوظ ہوں۔'
I mark myself ‘safe’ during #AFGvPAK clash today.Kindly spread the msg and see how many people made it out alive today 😄😂#AfghanJalebi #CW19
— Syed Sarmad (@SarmadMasoom) June 29, 2019
میچ کے دوران اسٹیڈیم کے اوپر ایک چھوٹا جہاز پرواز کرتا ہوا گیا جس پر ایک بینر لگا تھا۔ بینر پر ’جسٹس فار بلوچستان‘ کےالفاظ درج تھے۔
ٹوئٹر پر کئی صارفین نے اس جہاز کی ویڈیو بھی شیئر کیں۔
This should be investigated. A plane with banner "Justice for Balochistan" roamed the skyline of the stadium during #PAKvAFG who are people behind this we all know but this type of incidents should be kept in check by local government. #NamakHaramAfghani pic.twitter.com/BpPwWhG0E9
— S Z (@subinitsu) June 30, 2019
ایک صارف نے کہا کہ ’اس معاملے کی تحقیقات ہونی چاہیے کہ ایک جہاز جس پر ’جسٹس فار بلوچستان‘ کا بینر تھا میچ کے دوران اسٹیڈیم پر سے گزرا۔ جو لوگ اس کے پیچھے ہیں سب کو معلوم ہے لیکن مقامی انتظامیہ کو اس طرح کے واقعات کا سراغ لگانا چاہیے۔‘
ٹوئٹر پر کئی صارف افغانستان کی جانب سے اچھی کرکٹ کھیلنے پر انھیں داد بھی دی۔
Gulbadan Naib "I request the fans it%27s only a game of cricket, it%27s sport, nothing else" #PAKvAFG #CWC19 pic.twitter.com/TMf3iRX3Z6
— Saj Sadiq (@Saj_PakPassion) June 30, 2019
ایک صارف نے میچ کے بعد افغانستان کی ٹیم کے کپتان گلبدین نائب کی پریس کانفرنس کی ایک ویڈیو شیئر کی جس میں انھوں نے شائقین سے درخواست کی تھی کہ یہ محض ایک کھیل ہے۔