بھارت کی فلم نگری بالی وڈ کے اداکار سنجے دت پھیپھڑوں کے کینسر میں مبتلا ہو گئے ہیں۔
سنجے دت کو سانس لینے میں دشواری کی وجہ سے گزشتہ ہفتے ممبئی کے ایک اسپتال لایا گیا تھا۔ تاہم اُنہیں طبی امداد کے بعد پیر کو ڈسچارج کر دیا گیا تھا۔
دو روز اسپتال میں رہنے کے دوران اداکار کے کرونا وائرس سمیت دیگر ٹیسٹ کیے گئے۔
سنجے دت کا کرونا وائرس کا ٹیسٹ منفی آیا تھا۔ تاہم ایک رپورٹ میں اُن کے سینے میں سیال مادہ جمع ہونے کی شکایت سامنے آئی تھی۔ مزید تشخیص کے بعد انکشاف ہوا کہ اُنہیں پھیپھڑوں کا کینسر ہے۔
منگل کو سنجے دت نے ٹوئٹر پیغام میں کہا کہ علاج کی غرض سے وہ کام سے 'مختصر وقفہ' لے رہے ہیں۔
اُن کے بقول، "میری فیملی اور دوست میرے ساتھ ہیں، میں اپنے خیر خواہوں پر زور دوں گا کہ پریشان نہ ہوں اور غیر ضروری قیاس آرائیاں نہ کریں۔ آپ کے پیار اور نیک خواہشات کے ساتھ میں جلد واپس آؤں گا۔"
— Sanjay Dutt (@duttsanjay) August 11, 2020
بھارتی اداکار اور گلوکار ادھیاین سمن نے اپنے ٹوئٹ میں کہا ہے کہ ’سنجو سر کو پھیپھڑوں کے کینسر کی تشخیص ہوئی ہے۔'
Sanju sir diagnosed with lung cancer :( #sanjaydutt get well soon sir 🙏 this year why u doing this ?
— adhyayan summan (@AdhyayanSsuman) August 11, 2020
آٹھ اگست کو سنجے دت نے اپنی ایک ٹوئٹ میں اپنے پرستاروں کو یقین دہانی کرائی تھی کہ وہ ٹھیک ہیں اور اُن کا کوویڈ-19 ٹیسٹ منفی آیا ہے۔
Just wanted to assure everyone that I’m doing well. I’m currently under medical observation & my COVID-19 report is negative. With the help & care of the doctors, nurses & staff at Lilavati hospital, I should be home in a day or two. Thank you for your well wishes & blessings 🙏
— Sanjay Dutt (@duttsanjay) August 8, 2020
بھارتی کرکٹر یوراج سنگھ جو خود بھی کینسر کے مرض کو شکست دے چکے ہیں، انہوں نے اپنے ایک ٹوئٹ میں سنجے دت کی حوصلہ افزائی کرتے ہوئے کہا ہے کہ آپ ہمیشہ سے ایک فائٹر رہے ہیں۔ مجھے معلوم ہے کہ ایسے موقع پر کتنا درد سہنا پڑتا ہے لیکن میں یہ بھی جانتا ہوں کہ آپ بہت مضبوط ہیں اور اس سخت مرحلے سے بھی کامیابی کے ساتھ نمٹ لیں گے۔ میری دعائیں اور نیک خواہشات آپ کے ساتھ ہیں۔
You are, have and always will be a fighter @duttsanjay. I know the pain it causes but I also know you are strong and will see this tough phase through. My prayers and best wishes for your speedy recovery.
— Yuvraj Singh (@YUVSTRONG12) August 11, 2020
سنجے دت کی ایک ساتھی اداکارہ ارمیلا مٹونڈکر نے اپنے ٹوئٹر پیغام میں کہا ہے کہ 'بے شک یہ ایک پریشان کن اور ہولناک خبر ہے لیکن سنجے دت نے اپنی ساری زندگی چیلنجز کے خلاف لڑنے میں گزاری ہے۔ امید ہے کہ وہ جلد صحت یاب ہو جائیں گے۔'
Such an upsetting n horrible news that @duttsanjay has been diagnosed of lung cancer..but then again he has been such a fighter all his life..here is wishing him a speedy recovery 👍🏻 #prayersforspeedyrecovery #GetWellSoon 🤗 pic.twitter.com/uIwvqUIqZZ
— Urmila Matondkar (@UrmilaMatondkar) August 12, 2020
راہول ڈھولکیا کا کہنا ہے کہ 'ٹائیگر آپ اس بیماری کے خلاف بھی جیت جائیں گے۔'
You will fight this too Tiger !! With you ! @duttsanjay
— rahul dholakia (@rahuldholakia) August 11, 2020
سنجے دت نے 80 کے عشرے میں فلموں میں کام کا آغاز کیا تھا۔ اُن کی پہلی فلم 'راکی' 1981 میں ریلیز ہوئی تھی جسے اُن کے والد سنیل دت نے ڈائریکٹ کیا تھا۔
سنجے دت نے 1986 میں ریچا شرما نامی ایک بھارتی نژاد امریکی لڑکی سے پہلی شادی کی تھی۔ ریچا سے اُن کی ایک بیٹی ترشلا پیدا ہوئیں لیکن ریچا شادی کے کچھ ہی سال بعد 'برین ٹیومر' کے سبب چل بسی تھیں۔
سنجے نے 2008 میں مانیاتہ دت سے دوسری شادی کی جن سے اُن کے دو بچے ہیں۔ اداکار کی نئی آنے والی فلموں میں 'سڑک ٹو' اور 'بھوج: دی پرائیڈ آف انڈیا' شامل ہیں۔