رسائی کے لنکس

logo-print

بنگلہ دیش کے لیے ایک ارب 80 کروڑ ڈالر کی امداد


بنگلہ دیش کے لیے ایک ارب 80 کروڑ ڈالر کی امداد

اقوام متحدہ بنگلہ دیش کو اس کے ترقیاتی منصوبوں میں مدد کے لیے ایک ارب 80 کروڑ ڈالر دینے پر متفق ہوگیا ہے۔

بدھ کے روز اقوام متحدہ نے کہا کہ یہ امداد 2012ء سے 2016ء تک پانچ سال کے عرصے میں اقوام متحدہ کے ترقیاتی معاونت کے پروگرام کے تحت فراہم کی جائے گی۔

امدادی فنڈز کو بنگلہ دیش میں جمہوریت ، انسانی حقوق، شہری علاقوں کے ترقیاتی پروگرام، سماجی خدمات ، خوراک کی صورت حال بہتر بنانے اور آب و ہوا کی تبدیلی اور قدرتی سانحات سے بچاؤ کی کوششوں کے لیے استعمال کیا جائے گا۔

بدھ ہی کے روز عالمی بینک نے بنگلہ دیش میں خواتین، بچوں اور غریب افراد کو صحت کی بہتر سہولتوں کی فراہمی کے لیے تقریباً 36 کروڑ ڈالر کے قرضے کی منظوری دی۔

عالمی بینک کے ایک بیان میں کہا گیا ہے کہ بنگلہ دیش کا شمار دنیا کے ان ممالک میں ہوتا ہے جہاں عورتوں اور بچوں میں غذائی قلت کی شرح سب سے زیادہ ہے۔

XS
SM
MD
LG