پاکستان سپر لیگ کی فرنچائز لاہور قلندرز کی ملتان سلطانز کے ہاتھوں پانچ وکٹوں سے شکست پر سوشل میڈیا پر تبصروں کا سلسلہ جاری ہے۔
شائقین ایک بار پھر اچھے آغاز کے باوجود اچانک وکٹیں گرنے کے عمل کو لاہور قلندر کی پرانی روایت قرار دے رہے ہیں۔ لاہور قلندرز نے پانچ اوورز میں پچاس سے زائد رنز بنا لیے تھے، لیکن اس کے بعد تسلسل کے ساتھ وکٹیں گرتی رہیں۔
لاہور قلندرز کی پوری ٹیم 20 اوورز میں صرف 138 رنز بنا سکی۔ جواب میں ملتان سلطانز نے مطلوبہ ہدف با آسانی پانچ وکٹوں کے نقصان پر پورا کر لیا۔
پانچویں سیزن کے آغاز پر لاہور قلندر کی پہلے ہی میچ میں شکست پر شائقین سوشل میڈیا پر دلچسپ تبصرے کر رہے ہیں۔
Not the results we wanted. Hopefully we will bounce back in our next game. Thank you for all of your support! #DamaDamMast #MainHoonQalandar #HBLPSL #LQvMS pic.twitter.com/t468U2bVNK
— Lahore Qalandars (@lahoreqalandars) February 21, 2020
ایک صارف نے لاہور قلندر کے مالک رانا فواد کی تصویر ٹوئٹ کرتے ہوئے لکھا ہے کہ لاہور قلندر کو سپورٹ کرنے کی وجہ صرف یہ شخص ہے۔
There is a reason to support the Lahore Qalandars. pic.twitter.com/oYJGB8Vyre
— jErry👿 (@jErry_Haramii) February 19, 2020
زلمی نامی صارف نے بھی دلچسپ ٹوئٹ کی ہے جس میں لاہور قلندرز کی مسلسل ناکامیوں کو تجربے میں اضافہ قرار دیا ہے۔
Lahore Qalandars after loosing every match in every season pic.twitter.com/pSj8shifn0
— zalmi💛 (@Marwayyy_y) February 22, 2020
صادق نامی صارف نے ایک ٹوئٹ میں لکھا ہے کہ کچھ نہیں بدلا یار آج بھی سب ویسے کا ویسا ہی ہے۔
New season of PSL, but same old problems for Lahore Qalandars - another batting collapse, this time from 59 for 0 in 5.1 overs to 138 for 8 from 20 overs #PSLV #LQvMS
— Saj Sadiq (@Saj_PakPassion) February 21, 2020
لاہور قلندرز کے مالک رانا فواد کے میچ کے دوران تاثرات بھی لاہور قلندرز کی مقبولیت میں اضافے کا سبب رہے ہیں۔ لیکن پاکستان کے دوسرے بڑے شہر کی یہ ٹیم ہر سال تبدیلیوں کے باوجود کسی بھی سیزن میں اچھی کارکردگی دکھانے سے قاصر رہی ہے۔