پاکستان سپر لیگ کا پانچواں ایڈیشن شروع ہونے کے قریب ہے اور اس سے قبل پاکستان کرکٹ بورڈ نے روایت کے مطابق ایونٹ کے لیے نغمہ جاری کر دیا ہے جس پر شائقین کی جانب سے شدید تنقید کی جا رہی ہے۔
منگل کی شب پی ایس ایل فائیو کا نغمہ 'تیار ہیں' نشر کیا گیا جس کا شائقین کو بے تابی سے انتظار تھا۔
تاہم نغمہ جاری ہونے کے بعد سماجی رابطے کی سائٹ ٹوئٹر پر بیشتر افراد نے چار گلوکاروں کی آواز میں گائے جانے والے اس نغمے پر شدید تنقید کی۔
پاکستان کرکٹ بورڈ کی روایت رہی ہے کہ وہ ہر سال پی ایس ایل کا نغمہ جاری کرتا ہے۔ ابتدائی تین برسوں تک گلوکار علی ظفر کی آواز میں پی ایس ایل کے نغمے جاری ہوئے جنہیں بے حد پذیرائی ملی۔
پی ایس ایل سیزن فائیو کے لیے جو نغمہ جاری کیا گیا ہے وہ علی عظمت، عارف لوہار، ہارون رشید اور عاصم اظہر کی آواز میں ہے۔
پی ایس ایل کی جانب سے جاری کردہ پریس ریلیز کے مطابق نغمہ 'تیار ہیں' کے پروڈیوسر نامور موسیقار ذوالفقار جبار خان ہیں جب کہ اس کی ویڈیو کی ہدایت کاری کے فرائض ڈائریکٹر کمال خان نے انجام دیے ہیں۔
“Tayyar Hain” & this is how our cricket mela begins with the sound of #HBLPSLV anthem #TayyarHain 🔊Full Video: https://t.co/6tlftyjJdX pic.twitter.com/HMU0OFi48J
— PakistanSuperLeague (@thePSLt20) January 28, 2020
یہ نغمہ چاروں گلوکاروں اور چند کھلاڑیوں پر فلمایا گیا ہے جس میں نمایاں حسن علی، بابر اعظم، شاداب خان اور سرفراز احمد ہیں۔
پی ایس ایل فائیو کا نغمہ جاری ہونے کے بعد شائقین نے اس پر تنقید بھی شروع کر دی ہے۔
ٹوئٹر صارف جمال جلیل نے نغمے کی ایک تصویر شیئر کرتے ہوئے کہا کہ پی ایس ایل کی تاریخ کا بد ترین نغمہ پیش کیا جا رہا ہے۔
Ladies and gentlemen presenting you the worst anthem in the history of psl :( #TayyarHain pic.twitter.com/bHO5IpgdGj
— Jamal Jalil 🇵🇰 (@Sheggy97_) January 28, 2020
عائشہ نامی ٹوئٹر صارف نے ایک خاتون کے روتے ہوئے تصویر شیئر کی اور اپنے جذبات کا اظہار کرتے ہوئے کہا کہ اس وقت میری حالت کچھ اس طرح ہے۔ یہ سننے کے لیے اتنا انتظار کیا تھا۔
Me right now😭Ye sunny k lia itna intazar kia tha #PSLV #PSL2020 #TayyarHain pic.twitter.com/x7SAoFFrUC
— Ayesha (@AyeshaKhan_9) January 28, 2020
ایک صارف نے ایک ایسے جانور کی تصویر شیئر کی جسے دیکھ کر اندازہ نہیں لگایا جا سکتا کہ وہ کیا ہے۔ اس پر انہوں نے کہا کہ پی ایس ایل کا ترانہ ہر سیزن میں اس طرح تبدیل ہو رہا ہے۔
PSL anthems season by season !.Sums it all !#TayyarHain#PSLV pic.twitter.com/Ssv8R1LnCO
— Maaz ! 🇵🇰 (@Maazikram2) January 28, 2020
ایک صارف نے چند لڑکوں کی تصویر شیئر کی جو ہاتھ میں پتھر اٹھائے کسی کو مارنے کا انتظار کر رہے ہیں۔ صارف نے اس پر لکھا کہ تیار ہیں گانا سننے کے بعد میں اور میرے دوست۔
Me and my friends after listening the song #TayyarHain pic.twitter.com/xUY9Yz8npa
— Separated 🖤 (@Jungli_Billaa) January 29, 2020
زینب نامی ٹوئٹر صارف نے مشہور ڈرامہ میرے پاس تم ہو کے کردار دانش کی تصویر شیئر کی جس میں اسے مرتے ہوئے دکھایا گیا ہے۔ ٹوئٹر صارف نے اس پر تبصرہ کرتے ہوئے کہا کہ پی ایس ایل کا گانا سننے کے بعد میری حالت کچھ اس طرح کی ہے۔
Me after listening PSL song.#TayyarHain #PSL2020 pic.twitter.com/kIVG6OWUQd
— Zainab🇵🇰🔥 (@Zainab_Noor09) January 28, 2020
بعض ٹوئٹر صارفین نے گلوکار علی ظفر کو یاد کیا اور ان کی تعریفیں کرتے ہوئے کہا کہ اُنہیں کوئی نہیں ہرا سکتا۔
Me after listening #PSL_V anthem.. #TayyarHain 🤮 ..No one can beat #alizafar ❤ pic.twitter.com/f8xSmRWvyU
— syeda zainab (@syedazainab2213) January 29, 2020
نور نامی ٹوئٹر نے ایک ایسے شخص کی تصویر شیئر کی جو کچرے کے ڈبے میں ہینڈ فری لگا کر کچھ سننے کی کوشش کر رہا ہے۔ اس پر تبصرہ کرتے ہوئے انہوں نے کہا کہ کیا ہم اس کا انتظار کر رہے تھے، گانا تیار ہیں نے بہت مایوس کیا، مجھے واپس سیٹی بجے گی چاہیے۔
People listening tayyar hain. We’ve been waiting for this shit. Highly disappointed. 🤯I want “seeti bjy g” back. 😫#TayyarHain pic.twitter.com/fLyCqRVHph
— Noor (@DrNoorrr) January 29, 2020
طیبہ اعظم نے بھارتی فلم کے سین کی ایک تصویر شیئر کرتے ہوئے لکھا کہ پی ایس ایل 2020 کا نغمہ سننے کے بعد پاکستانیوں کا ردِ عمل کچھ اس طرح سے ہے۔
Pakistanis reaction after listening to #PSL2020 anthem #TayyarHain pic.twitter.com/55ol55kn7f
— Taiba AXAM. (@AxamTaiba) January 29, 2020
علی حسن نامی ٹوئٹر صارف نے گلوکار علی ظفر کی تصویر شیئر کرتے ہوئے کہا کہ آپ یقین کریں یا نہ کریں ہم میں سے بہت سے لوگ علی ظفر کی آواز میں پی ایس ایل کے گانے کو یاد کر رہے ہیں۔ ان کی آواز پی ایس ایل کی جان ہے۔
"Ek din tu na mile ga, Tera name phir bhi Rahega 💔"Believe me most of us are missing his voice from PSL anthem.! His voice was %27JAAN%27 of PSL ❤️.#PSLV #TayyarHain pic.twitter.com/89Csy0U6kB
— Alihassan671 (@Oybanto) January 29, 2020
یاد رہے کہ گزشتہ برس پی ایس ایل کا نغمہ 'کھیل دیوانوں کا' گلوکار فواد خان نے گایا جسے شجاع حیدر نے تحریر کیا تھا۔ تاہم یہ نغمہ علی ظفر کی آواز میں 2017 میں گائے گئے نغمے 'اب کھیل جمے گا' کے مقابلے میں ہلکا قرار دیا جا رہا تھا۔
شائقین کی جانب سے ایک مرتبہ پھر مطالبہ سامنے آ رہا ہے کہ پی ایس ایل کے نغمے کے لیے گلوکار علی ظفر کی آواز کا انتخاب کیا جائے۔