افغان طالبان کی اسلام آباد میں زلمے خلیل زاد سے ملاقات

آخری بار اپڈیٹ کیا گیا اکتوبر 04, 2019

افغان طالبان کا 12 رکنی وفد اور امریکی نمائندہ خصوصی زلمے خلیل زاد اسلام آباد میں موجود ہیں۔ (فائل فوٹو)

ویب ڈیسک —

افغان طالبان نے پاکستان میں موجود امریکہ کے نمائندۂ خصوصی برائے افغان مفاہمت زلمے خلیل زاد سے ملاقات کی ہے۔

افغان طالبان کا 12 رکنی وفد ملا عبدالغنی برادر کی سربراہی میں اسلا آباد میں موجود ہے، جس نے جمعرات کو پاکستان کے وزیرِ اعظم عمران خان اور وزیر خارجہ شاہ محمود قریشی سے الگ الگ ملاقاتیں بھی کی تھیں۔

وفود کی سطح پر دفتر خارجہ میں ہونے والی ملاقات میں پاکستان فوج کے خفیہ ادارے آئی ایس آئی کے سربراہ لیفٹیننٹ جنرل فیض حمید بھی موجود تھے۔

خبر رساں ادارے 'رائٹرز' کے مطابق، افغان طالبان کے وفد نے جمعرات کو ہی امریکی نمائںدۂ خصوصی برائے افغان مفاہمت سے بھی ملاقات کی ہے۔

زلمے خلیل زاد اور طالبان رہنماؤں کے درمیان ملاقات ایسے وقت ہوئی ہے جب امریکی صدر ڈونلڈ ٹرمپ نے گزشتہ ماہ ایک ٹوئٹ کے ذریعے امن مذاکرات کی منسوخی کا اعلان کیا تھا۔

طالبان وفد کا دورۂ پاکستان، پاکستانی حکام سے ملاقاتیں

<p>طالبان کا 12 رکنی وفد پاکستان کے دفترِ خارجہ پہنچا۔ جہاں شاہ محمود قریشی نے اُن کا استقبال کیا اور وفد کو وزارت خارجہ آمد پر خوش آمدید کہا۔</p> — 1/9
طالبان کا 12 رکنی وفد پاکستان کے دفترِ خارجہ پہنچا۔ جہاں شاہ محمود قریشی نے اُن کا استقبال کیا اور وفد کو وزارت خارجہ آمد پر خوش آمدید کہا۔

2/9 افغان طالبان کا وفد ملا عبدالغنی برادر کی سربراہی میں بدھ کی شب پاکستان پہنچا ہے۔

<p>طالبان کے وفد نے جمعرات کو پاکستان کے اعلیٰ حکام سے ملاقات کی۔ ملاقات کے دوران خطے کی صورت حال، افغان امن عمل سمیت باہمی دلچسپی کے امور پر تبادلہ خیال کیا گیا۔</p> — 3/9
طالبان کے وفد نے جمعرات کو پاکستان کے اعلیٰ حکام سے ملاقات کی۔ ملاقات کے دوران خطے کی صورت حال، افغان امن عمل سمیت باہمی دلچسپی کے امور پر تبادلہ خیال کیا گیا۔

<p>افغان طالبان کے اعلیٰ سطح کے وفد نے افغان امن عمل میں پاکستان کے مصالحانہ کردار کی تعریف بھی کی۔</p> — 4/9
افغان طالبان کے اعلیٰ سطح کے وفد نے افغان امن عمل میں پاکستان کے مصالحانہ کردار کی تعریف بھی کی۔

5/9 مریکہ کی جانب سے افغان طالبان کے ساتھ مذاکرات کی منسوخی کے بعد طالبان مسلسل علاقائی طاقتوں اور افغانستان کے پڑوسی ممالک کی قیادت سے رابطے کر رہے ہیں اور اس سلسلے کا یہ اُن کا چوتھا دورہ ہے۔

<p>اس موقع پر پاکستان کے وزیرِ خارجہ شاہ محمود قریشی نے کہا کہ پاکستان نے افغان امن عمل میں مشترکہ ذمہ داری کے تحت نہایت ایمانداری سے مصالحانہ کردار ادا کیا ہے۔ پُر امن افغانستان پورے خطے کے امن و استحکام کے لیے ناگزیر ہے۔</p> — 6/9
اس موقع پر پاکستان کے وزیرِ خارجہ شاہ محمود قریشی نے کہا کہ پاکستان نے افغان امن عمل میں مشترکہ ذمہ داری کے تحت نہایت ایمانداری سے مصالحانہ کردار ادا کیا ہے۔ پُر امن افغانستان پورے خطے کے امن و استحکام کے لیے ناگزیر ہے۔

<p>شاہ محمود قریشی کا کہنا تھا کہ پاکستان اور افغانستان کے درمیان دو طرفہ برادرانہ تعلقات، مذہبی ثقافتی اور تاریخی بنیادوں پر اُستوار ہیں۔</p> — 7/9
شاہ محمود قریشی کا کہنا تھا کہ پاکستان اور افغانستان کے درمیان دو طرفہ برادرانہ تعلقات، مذہبی ثقافتی اور تاریخی بنیادوں پر اُستوار ہیں۔

<p>شاہ محمود قریشی کا مزید کہنا تھا کہ اُنہیں خوشی ہے کہ آج دنیا افغانستان کے حوالے سے پاکستان کے مؤقف کی تائید کر رہی ہے۔</p> — 8/9
شاہ محمود قریشی کا مزید کہنا تھا کہ اُنہیں خوشی ہے کہ آج دنیا افغانستان کے حوالے سے پاکستان کے مؤقف کی تائید کر رہی ہے۔

9/9 طالبان کے وفد میں مذاکراتی ٹیم کے رہنماؤں سمیت پولیٹیکل آفس کے سینئر ارکان شامل ہیں اور یہ وفد چھ اکتوبر تک پاکستان میں قیام کرے گا۔

اس سے قبل افغانستان میں طویل جنگ کے خاتمے کے لیے زلمے خلیل زاد اور طالبان کے درمیان تقریباً ایک سال تک مذاکراتی عمل جاری رہا۔ اور گزشتہ ماہ ہی فریقین نے کہا تھا کہ وہ معاہدے کے بالکل قریب پہنچ چکے ہیں۔

'رائٹرز' کے مطابق، افغان طالبان اور زلمے خلیل زاد کی ملاقات ایک گھنٹے سے زائد وقت تک جاری رہی جس میں باضابطہ مذاکرات پر بات نہیں ہوئی۔ البتہ فریقین نے اعتماد کی بحالی پر زور دیا ہے۔

پاکستان کے سینئر حکام کا نام ظاہر نہ کرنے کی شرط پر 'رائٹرز' کو بتانا ہے کہ طالبان اور زلمے خلیل زاد کی ملاقات کا اہتمام کرانے کے لیے پاکستان نے اہم کردار ادا کیا ہے۔

طالبان وفد اور امریکہ کے نمائندۂ خصوصی کے درمیان ہونے والی ملاقات کے بارے میں امریکہ، پاکستان یا طالبان نے تاحال اس کی تصدیق نہیں کی ہے۔

قبل ازیں پاکستان کے وزیرِ خارجہ شاہ محمود قریشی نے پاکستان کے ایک نجی ٹی وی چینل 'ہم نیوز' سے جمعرات کی شب گفتگو کرتے ہوئے کہا تھا کہ "طالبان وفد کی زلمے خلیل زاد سے بھی ملاقات ضرور ہوگی۔" تاہم، انہوں نے اس کی مزید تفصیلات سے آگاہ نہیں کیا۔

وزیرِ اعظم عمران خان نے جمعرات کو طالبان کے ساتھ ہونے والی ملاقات کے دوران کہا تھا کہ پاکستان افغانستان کے مسئلے کا حل افغان عوام کی خواہشات اور افغان قوم کے ذریعے چاہتا ہے۔

اُن کے بقول، پاکستان افغانستان کے مسائل کا حل مذاکرات اور بات چیت کے ذریعے تلاش کرنے پر یقین رکھتا ہے۔ انہوں نے اس عزم کا اعادہ کیا کہ افغانستان میں مفاہمت اور مذاکرات کے لیے پاکستان کردار ادا کرتا رہے گا۔

افغان طالبان کی اسلام آباد میں زلمے خلیل زاد سے ملاقات

طالبان وفد کا دورۂ پاکستان، پاکستانی حکام سے ملاقاتیں

This item is part of

یہ بھی پڑھیے

طالبان کے وفد کی عمران خان سے ملاقات، افغان امن عمل پر تبادلہ خیال

مُلا برادر: پاکستان کی قید سے پاکستان کے دارالحکومت تک

'طالبان کا رویہ مذاکرات کے مقاصد سے مطابقت نہیں رکھتا تھا'

امریکہ مذاکرات شروع نہیں کرتا تو جنگ کے لیے تیار ہیں: طالبان

افغان طالبان کے وفد کا دورہ چین، امریکہ سے مذاکرات معطل ہونے پر بات چیت

امن مذاکرات کی منسوخی کے بعد اشرف غنی کی پوزیشن کیا ہے؟

طالبان وفد کا دورۂ پاکستان، زلمے خلیل زاد سے ملاقات متوقع

رسائی کے لنکس

Follow Us

افغان طالبان کی اسلام آباد میں زلمے خلیل زاد سے ملاقات

طالبان وفد کا دورۂ پاکستان، پاکستانی حکام سے ملاقاتیں

This item is part of

یہ بھی پڑھیے

طالبان کے وفد کی عمران خان سے ملاقات، افغان امن عمل پر تبادلہ خیال

مُلا برادر: پاکستان کی قید سے پاکستان کے دارالحکومت تک

'طالبان کا رویہ مذاکرات کے مقاصد سے مطابقت نہیں رکھتا تھا'

امریکہ مذاکرات شروع نہیں کرتا تو جنگ کے لیے تیار ہیں: طالبان

افغان طالبان کے وفد کا دورہ چین، امریکہ سے مذاکرات معطل ہونے پر بات چیت

امن مذاکرات کی منسوخی کے بعد اشرف غنی کی پوزیشن کیا ہے؟

طالبان وفد کا دورۂ پاکستان، زلمے خلیل زاد سے ملاقات متوقع